數年黎，電視/現場睇過若干個感動既感言，呢d場面好似係一個場合必需有既張力，我鍾意睇人地，但從來冇諗過如果係自己會點。一諗，就灰左。
聽阿媽講，我唔知幾多歲都仲未識講野，唔太記得幾多歲，總之就係比起其他細路仔黎計好遲。
總括比起平常人或者健談既人，我每要講1段連續既說話，準備既思考時間就多返你地1倍左右。
由細到大由學校、親戚家族、到工作場合，講野叻轉數快一定唔輪到我，我好怕對住好多人講野，萬一要出黎一開口就實出事，一係deadair一係就講到成個場odd晒，有時人地心裡面怕左我，我自己都怕埋自己；而我知道呢個獎代表一定份量，我唔可以對唔住個獎。一年，好彩既話有一個機會，講得唔好，我真係會諗返好多次我可唔可以講得好d。
唔知邊年開始有呢個諗法：經過一年既努力，如果上台多謝得唔好，個獎可以話等於冇攞過一樣。
當然，咁諗可以係太嚴苛，亦可以係我希望以咁樣既認真去對待每1件事。亂舉一個例就係食雞翼唔食埋雞皮就等於冇食過一樣。
宣布果一刻，其實彷彿感覺到上台之後唔知幾多年先有得再上黎呢個台，可能真係要隔好耐好耐（有呢種咁強烈既感覺係奇異既，但又唔太難以邏輯去理解）；所以比起上年既驚喜，我更重視今次。
完左1月1，又忙埋尋晚kay個表演，終於有時間打winning、偷懶、然後沉澱返成個人。
中分係遺憾🏂🏂🏂，但撥頭髮就會浪費左2秒既多謝時間🌞
Search